कुन धर्मका मानिसहरुले बढी आफ्नो धर्मको प्रचार गरे ? इतिहास र वर्तमान दिउँसो १२ बजेको घाम जतिकै छर्लङ्ग छ !!

म धेरै पढ्न र लेख्न रुचाउने मान्छे हुँ । चाहे त्यो बिज्ञान सम्बन्धित होस या धार्मिक सम्बन्धित होस सबै कुराहरुको जानकारी राख्न मलाई मन पर्छ । कतिपय हामी मानिसहरू संसारिक जिवनको मात्र वास्ता फिक्री गरिराखेका हुन्छौं । तर हाम्रो मृत्यु पश्चात् पनि हाम्रो अस्तित्व छ भन्ने कुरालाई भुलिरहेका हुन्छौं कि त त्यस्ता कुरालाई सिधै नकारी दिन्छौं ।

यहाँ हामिले बुझ्नुपर्ने कुराहरु धेरै छन कि यो हाम्रो जीवन भनेको रहस्यमय तरिकाले सृष्टि गरिएको छ । हामी जन्म लिन्छौं हुर्कन्छौं बिवाह गर्छौं सन्तान जन्माउछौं आफ्नो संसारिक जिवनको लागि केही गर्छौं बुढेसकालले छुन्छ अन्त्यमा मर्छौं । यसरी हाम्रो जीवन चक्र घुमिरहेको छ । तर हामिले भुलेका भनौं या त नबुझेको या त वास्ता नगरेको हाम्रो अर्कै आत्मिक जीवन पनि छ ।

हामी जन्मेदेखी बाँचुन्जेल नमरेसम्म विभिन्न धर्म कर्म देखि लिएर पाठ पुजाहरु गर्छौं । ती सब आखिर के का लागि त ? यहाँ बाट हामिलाई प्रष्ट हुन्छ कि ती सबै कार्यहरु हामिले संसार छोडेर गएपछिको अर्को आत्मिक जिवनको लागि हो । संसारमा रहुन्जेल दिनभरी काम गर्यो रातभर सुत्यो फेरि भोलिपल्ट उठ्यो त्यही काम दोहोर्‍याए भइगो नि । बाँच्नुको लागि काम गर्ने खाना खाने, किन धर्म कर्म गर्नु पर्यो ? तर मानिस जाती मात्र त्यस्तो प्राणी हो जो संग आत्मा छ ।

ख्रीस्टियनहरुको मुख्य उदेस्य भनेको जहिले पनि उद्दार, मुक्ती नपाइ संसारिक थोक संसारिक मोज मज्जामा भौतारिरहेका आत्माहरुलाई सुसमाचार द्वारा आफ्नो सृष्टि कर्ता परमेस्वर संग टुटेको सम्बन्धलाई पुनस्थापित गराउनु हो । यो महान कार्यमा आज भन्दा हजारौं बर्स अघिदेखि हाम्रा अग्रजहरु लागिपरेका थिए, आज हामी पनि त्यही महान कार्यलाई निरन्तरता दिंदै यो अवस्था सम्म आईपुगेका छौँ ।

यहाँ सम्म आईपुग्दा ख्रीस्टियनहरुले धेरै बाधा अवरोधहरुको सामना गर्नु परेको छ । आफ्नै देस मा सरणार्थी को जीवन जिउनु परेको छ । कति झुटा आरोप प्रत्यारोपहरुको सामना गर्दा गर्दै कति ख्रीस्ट का अनुयायीहरुले आफ्नो ज्यान गुमाउनु परेको छ । हाम्रै नेपालमा आफ्नै दाजुभाइहरु द्वारा धर्म प्रचारको आरोप खेपिरहनु परेको छ । के साँच्चिकै ख्रीस्टियनहरुले मात्रै नेपालमा आफ्नो धर्मको प्रचार गरेका छन त ? इतिहास र बर्तमान दिउँसो १२ बजेको घाम जस्तै छर्लङ्ग छ । कि नेपालको सन्दर्भमा ख्रीस्टियनहरुले भन्दा अन्य धर्मका मानिसहरूले पनि आफ्नो धमको कम प्रचार गरेका छैनन् । क

ख्रीस्टियनहरु वास्तवमा धर्मको होइन तर मुक्तिको प्रचार गर्दछौं । धार्मिकता र सत्यताको प्रचार गर्दछौं । तर ख्रीस्टियनहरुलाई मात्रै धर्मको प्रचार गर्यो भनेर भन्ने अन्य धर्मलवम्बिहरुलाई म अवगत गराउन चाहान्छु कि पशुपतिनाथ जस्ता ठुलठुला मन्दीरहरु नेपालकै ठूलो सहर काठ्माण्डौको बिच बिचमा खडा गरिएका छन त्यो धर्म प्रचार होइन ? ठुला ठुला आवाज निकाली, शहरै थर्किने गरि पुरान वाचन गरेको धर्म प्रचार होइन ? बस, ट्रक हरुमा " पशुपतिनाथ कि जय " " कनकाई माइ कि जय " दक्षिण काली कि जय " लेखेर पुर्व मेचीदेखि पश्चिम् महाकालीसम्म घुमाइएको धर्म प्रचार होइन ? नाग पन्चमिको नाउँमा गाउँ गाउँ घुमेर दुई चार मन्त्र फलाक्दै साँपको फोटो सबैको घर घरमा टाँस्दै हिंड्नु के धर्म प्रचार होइन ? शंख बजाएर रातभरी घुम्नु धर्म प्रचार होइन ? संचार माध्यमहरु बाट स्वस्थानी लगायत विभिन्न हिन्दु सम्बन्धी प्रवचन प्रसारण गर्नु के धर्मको प्रचार होइन ? रेडियो नेपालबाट बिहान-बिहान ५ बजे गायत्री स्तुति भन्दै प्रसारण गर्नु धर्म प्रचार होईन ?

यदि यी सब धर्मकै प्रचार हो भने तपाईलाई प्रस्टै थाहा भैसकेको छ कि आजसम्म कुन धर्मको मानिसहरुले धेरै आफ्नो धर्मको प्रचार गरेका रहेछन् ? वास्तविक कुरा, सत्य सबैलाई तितो लाग्छ । ख्रीस्टियनहरु येसु सत्य हुन भन्छौं येसु बाहेक अरु कसै द्वारा उद्दार मुक्ती छैन भनी दाबी गर्छौ । कि कुनै पनि धर्मको प्रबक्ताले म उद्दार दिन्छु मुक्ती म द्वारा छ भनी दाबी गरेको कुनै पबि धर्मको धर्मग्रन्थमा पढ्न पाइदैन । तर ख्रीस्टियन मत अदित्तिय छ ।

त्यसकारण हामी धर्मको हैन धार्मिकता, वास्तविकता, उद्दारकर्ता को सत्यतालाई प्रचार गर्छौं । धर्म परिवर्तन गर्ने नैसर्गिक अधिकार सनैलाई छ । मलाई कुन धर्मको आस्था सत्य लाग्छ म त्यो धर्म अंगाल्न पाउँछु । कति पल्ट ख्रीस्टियनहरुलाई डलरको आरोप लाग्यो तर वास्तविक तथ्य हेर्ने हो भने ख्रीस्टियनहरु नैं गरिब छन । होला त्यस्ता धर्मको नाउँमा कलंक मच्चाउनेहरु, डलर को खेती गर्नेहरु म मेरो गोरुको बाह्रै टक्का भन्दिन । तर एक दुई जनाको गैर जिम्मेवारीपुर्ण कार्यले गर्दा सिंगो इसाई जगत लाई नै आरोप मा मुछ्नु उनिहरुले गरेको असल कार्यको ढाकछोप गर्नु हो ।

नेपालमा ख्रीस्टियनहरुले अनाथ आश्रम खोले त्यहीँ धर्म परिवर्तन को आरोप लाग्यो । ग्रामीण भेगमा स्कुल बनाइए त्यहीँ धर्म परिवर्तन को आरोप छ । भोकालाई भोजन दिए, नाङ्गालाई बस्त्र दिए, गरिबहरुलाई सहयोग गरे अन्त्यमा धर्म परिवर्तन कै आरोप खेप्नु परेको छ । कतिपय त्यस्ता खोलिएको इसाई संथाहरु छन जहाँ अन्य धर्मको मानिसहरुले लाभ पाइरहेका छन ।

ख्रीस्टियनहरुले गरेको लाखौं राम्रा काम नेदेख्ने जहिले गल्ती पर्खेर बस्ने हाम्रा अन्य धर्मलवम्बिहरुलाई मेरो अनुरोध छ । सक्नुहुन्छ गर्नुहोस् सक्नुहुन्न गर्नेलाई अवरोध नपुर्यानुहोस । घर्मकै नाउँमा बखेडा झिकेर आरोप प्रत्यारोप मै अल्झी राख्नु भन्दा सत्य के हो बुझ्ने तिर पो लाग्ने हो कि ? धर्मको पछि हामी धेरै कुद्यौं, अब धार्मिकतालाई अंगाल्ने कि ? किन भने धर्मले होइन धार्मिकताले देश लाई माथी उचाल्छ । मनमा कुरा धेरै छन समय थोरै छ आजलाई यती नैं । येसु सत्य थिए, सत्य छन, र सत्य नै रहिरहने छन । किनकी उहाँले भन्नुभएको छ बाटो, सत्य र जीवन म नै हुँ । म द्वारा बाहेक अरु कोहि द्वारा मानिस स्वर्ग जान सक्दैन । पबित्र बाइबल युहुन्ना १४:६ /

आउनुहोस् पापमय संसारबाट फर्कनुहोस येसुलाई बिस्वास गर्नुहोस् । तपाइले कुनै मूल्य तिर्नु जरुरी छैन मात्र येसुलाई आफ्नो ब्याक्तिगत मुक्तिदाता धनी आफ्नो हृदयले स्वीकार गर्नुहोस् । परमेस्वरले तपाईंलाई प्रेम गर्नुहुन्छ । उहाँ आफुसंग भएको १०० ओटा भेडाहरु मध्ये ९९ ओटा भेडाहरु संग भन्दा हराएर फेरि भेटिएको एउटा भेडा संग धेरै खुसी हुनुहुन्छ । आमेन

( यो सब मेरो बाइबलमा आधारित ब्याक्तिगत बिचारहरु हुन, कसैलाई चित्त दुखे माफी चाहान्छु ) धन्यवाद !!