यो अनुग्रह को समय हो, पाप गर्नको निम्ति लाइसेन्स होईन !!

बाइबल मा रोमि ३:२३ पदले भन्दछ, सबैले पाप गरेका छन र परमेस्वरको महिमा सम्म पुग्न बाट चुकेका छन । यहाँ बाट हामी के थाहा पाउन सक्छौं भने हामी सबै पापी छौँ । अनि अर्को पद रोमि ६:२३ मा जब मानिसहरूले पाप गर्दछन्, तिनीहरूले पापको ज्याला कमाउँछन् जो चाँहि मृत्यु हो। तर परमेश्वरले आफ्ना मानिसहरूलाई मूल्य रहित उपहार दिनु हुन्छ जुन हाम्रा ख्रीष्ट येशू प्रभुमा अनन्त जीवन हो।

यहाँ हामिले बुझ्नु पर्ने कुरा के छ भने हामी जन्मदै पापी छौं । हामी पापीहरुको पाप क्षमा कुनै सांडे बोकाहरुको रगत ले असम्भव छ । त्यसकारण हाम्रो अथवा मानिसहरूको पाप क्षमा गर्न मानिस को बलिनै चाहिथ्यो, त्यो मानिस तपाई र म जस्तो नभएर कन्ने केटिको गर्भ बाट जन्मेको जीवन मा कुनै पाप कर्म नगरेको हुनु पर्दथ्यो । त्यही भएको कारण परमेस्वरले तपाइँ र मेरो पाप क्षमा को निम्ति येसु ख्रीस्ट लाई कन्ने मरियमको गर्भको माध्यम बाट बलि हुन यश संसारमा पठाउनु भयो ।

युहुन्ना ३:१६ ।अब यहाँ भनिएको छ कि परमेश्वरले संसारलाई यति साह्रो प्रेम गर्नुभयो, कि उहाँले आफ्ना एकमात्र पुत्रलाई संसारको निम्ति दिनु भयो। ताकी उहाँमाथि विश्वास गर्ने कोहीपनि नाश नहोस, तर त्यसले अनन्त जीवन पाओस ।

हामी सबै पापी हुँदाहुँदै पनि परमेस्वरले हामिलाई यति धेरै प्रेम गरेर आफ्नो एउटा मात्र पुत्र लाई पनि तपाईं र मेरो पाप क्षमा गर्न को निम्ति क्रुस मा टाँग्नलाई दिनुभयो कि उहाँको रगतले हाम्रो पाप क्षमा भएको छ, उहाँको चोटले हामी निको भएका छौं, उहाको मृत्युले आज हामिले अनन्त जीवन त्यो पनि सित्तैमा पाएका छौ । तर एउटा मात्र कुरा छ त्यो हो येसुमा बिश्वास गर्नु । जब हामी येसुलाई हाम्रो ब्याक्तिगत मुक्तिदाताको रुपमा आफ्नो हृदय मा स्वीकार गर्छौ तब उहाँको नाउ द्वारा परमेस्वरले हाम्रा सारा पाप क्षमा गरिदिनुहुन्छ ।

अनि अर्को कुरा कुनै पनि धर्मसास्त्रमा नलेखिएको कुनै पनि धर्मको प्रबक्ताले म यस्तो प्रकारको पाप क्षमा दिन सक्छु भनेर दाबी गर्न नसकेको कुरा बाइबल मा परमेस्वरले तपाईर मलाई भन्दै हुनुहुन्छ, त्यो हो परमप्रभु भन्नहुन्छ, “आऊ, ती कुराहरूमा चर्चा गरौं। तिमीहरूका पापहरू सिंदूर जस्ता राता छन्, तर तिनीहरू पखालेर फ्याँक्न सकिन्छ र तिमीहरू हिउँ जस्ता सेतो हुनेछौ। तिमीहरूका पापहरू चहकिलो राता छन्, तर तिमीहरू उन जस्तो सेतो हुन सक्छौ। यसैया १:१८ ।

यहाँनेर परमेस्वर स्वंम ले भन्नुहुन्छ आउ तिमीहरूको पाप को बारे छलफल गरौं । तपाईं र मलाई उहाले बोलाउनु हुन्छ कि आउ संगै बसौं तिमीहरूको पाप को बारे छलफल गरौ भन्नुहुन्छ यहाँ बाट के थाहा पाउन सक्छौं भने परमेस्वरले मात्र हाम्रो पाप क्षमा गर्न सक्नुहुन्छ ।

कुनै पनि धर्मको धर्म गुरुलाई सोध्नुभयो भने वा धर्म सास्त्रको अध्ययन गर्नुभयो भने पनि त्यहाँ उद्दार को बारेमा स्पस्ट बताइएको पाउनुहुन्न । तर बाइबल मात्र त्यस्तो सत्य परमेस्वरको जिवित वचन हो त्यहाँ तपाइँले उद्दार मुक्ती, मानिसहरुको र सारा ब्रह्माण्ड को उत्पतिको बारेमा छर्लङ्ग हुने गरि सरल भासामा पढ्न जान्न पाउनुहुन्छ । अनि सोही समयमा येसु ख्रीस्ट ले हामिलाई भन्नू हुन्छ कसैले गर्न भन्न नसकेको कुरा दाबी गर्नु हुन्छ कि बाटो, सत्य र जीवन म नै हुँ । म द्वारा बाहेक कोहि द्वारा पनि मानिस स्वर्ग जान सक्दैन । युहुन्ना १४:६ ।

आउनुहोस् सोच्नुहोस जीवन तपाइँको हो, यो जिवनको निर्णय पनि तपाईकै हुनुपर्छ । कि आज हामी कहाँ जान लागेका मानिस हौं तर कुन बाटो बाट यात्रा गरिरहेका छौं ? आज हामिले पछ्याउँदै गरेको बाटोले अन्त्यमा अनन्त जीवन मा पुर्याने हो या अनन्त मृत मा ? यो परमेस्वरले दिनुभएको अनुग्रह को समयमै निर्णय गर्नुहोस् । अनुग्रह को समयलाई पाप गर्ने लाइसेन्स नबनाउनुहोस । ? सबैलाई प्रभुले आशिष् दिउन । आमेन

#जोसन_लिम्बु