चाहेर पनि गर्न नसकिएको आत्महत्या !!

आजकल सानै उमेर देखि लिएर बुढेसकाल सम्मका मानिसहरूलाई म देख्छु उनिहरु प्राय: सामाजिक सन्जाल मै धेरै जसो समय बिताई रहेका हुन्छन । यसमा म पनि समाबेश छु । आजभोलि फेसबुक को त कुरै नगरौं एउटै मान्छेले धेरै ओटा आईडी चलाएको पनि मैले देखेको छु ।

पहिलाको जमानामा पत्र लेख्ने चलन थियो । एताबाट एउटा पत्र पठायो अनि बल्ल कतिदिनमा उस्ले पाउथ्यो अनि लगभग एक महिनाको बादमा उत्तर आईपुग्थ्यो । पत्रमा एक अर्कालाइ गरिने सम्मन पनि राम्रो हुन्थ्यो । यी सबै सामाजिक सन्जालको आगमन संगै आजकाल का मानिसहरुले एकर्कालाई कसरी सम्बोधन गर्ने हो त्यो नै भुलिसकेको मलाई महसुस हुन थालेको छ ।

समयको परिवर्तन संगै आएको ईन्टरनेटले हामीहरुलाई पृथ्वीको जुनसुकै कुनामा भएता पनि एकदमै नजिक बनाईदिएको छ । तर यसको गलत प्रयोगले कति मानिसहरुलाई आजिवन दु:खि पनि नबनाएको हैन । आजकल उपलब्ध फेसबुक, वाट्सएप, ईमो, ट्विटर ईत्यादी चिज हरुले मानिसहरुलाई कुलतसरह नचलाई बस्न नसक्ने अवस्थामा पुर्याईदिएको छ ।

मानिसहरु चाहेर पनि यी सबै थोक चलाउन बाट अलग रहन सकेका छैनन । त्यसकारण यहाँ मैले भन्न खोजेको "आत्महत्या" पनि धेरै खालको हुदा रहेछन । मनिस पासो लगाएर मर्नु मात्र आत्महत्या होईन रहेछ, मेरो बुझाईमा । आत्महत्या भनेको आफुले आत्माबाटै चाहेको कुरालाई जबर्जस्ति छोड्न खोज्नु, जस्तै फेसबुक चलाउन मन लाग्दा लाग्दै आफ्नो एकाउन्ट बन्द गर्नु, केही चिज आफुलाई खाउं लागेर नखानु पनि आत्महत्या नैं हुन ।

मैले कति साथिहरु भेट्टाएं आज बाट म फेसबुक चलाउदिन भनेर आफ्नो फेसबुक एकाउन्ट डिएक्टिभ गर्यो । फेरि केही दिन पछि चलाउन सुरु गर्यो यो पनि एउटा चाहेर पनि गर्न नसकेको आत्महत्या हो । म स्वयं पनि कहिले काहीँ त ह्या फेसबुक सबै बन्द गर्दिम कि जस्तो लाग्छ तर केही दिन सम्म लग आउट गर्छु फेरि मनमा खुल्दुली हुन थाल्छ के नयाँ खबर आयोहोला कस्ले कति लाईक कमेन्ट गरेहोला 😄😄 अनि फेरि सुरु हुन्छ ।

अन्त्यमा पुरानो जमानाबाट हामी नया युग मा प्रबेस गरिसकेको अवस्थामा आफ्नो आफ्नो तरिकाले आफ्नो सामाजिक सन्जालको उपयोग गर्दै जाउं । समाजिक संजाल लाई बिकृती को रुप मा हैन यो हामिलाई आवश्यकता थियो भन्ने धारणाको साथ यसलाई सहि सधुपयोग गरौ । हामी सबै यसको एडिक भएका छौं तर स्मरण रहोस यसको एडिक्सन ले हाम्रो जीवन मा नकारात्मक प्रभाव नपारोस । हामी अब यसलाई चाहेर पनि बन्द गरेर बस्न सक्दैनौं यो कुरा सबैलाई थाहा छ । त्यस्कारण चलाउं सहि तरिकाले चलाउने मन हुदा हुँदै पनि केही दिनको लागि बन्द गरेर आत्महत्या नगरौं । थाहा छ यो हामी सबैलाई लागेको रोग हो चाहेर पनि गर्न नसककिएको आत्महत्या ।।

#जोसन #लिम्बु