आफ्नो आखामा भएको मुढा पहिला हटाउ अनि अरुको आखामा भएको कसिङ्गर निकाल्न बल्ल सक्षम हुनेछौ ।

आज भन्दा धेरै समय अघिदेखि नेपाली ख्रीस्टियनहरुलाई लाग्दै आईरहेको अर्थहीन, प्रमाणहिन आरोपहरु बिदेशी धर्म, र डलर को प्रलोभन मा धर्म परिवर्तन । यहाँ मलाई चित्त नबुझेको कुरा, एउटा मानिसले अंलालेको आस्था कसरी स्वदेशी र बिदेशी हुन्छ ? यदि ईश्वर पनि स्वदेशी, बिदेशी हुन्छन् भने के सारा मानव जातिहरुको सृष्टिकर्ता बेग्लाबेग्लै थिए ?

किन नेपाल मा मात्रै ख्रीस्टियनहरुलाई बिदेशी धर्म मानिन्छ ? म अरु कसैको आस्थालाई समाबेश गरेर लेख्न चाहान्न तर हामी नेपालिहरुको सोच आज को यो एक्काइसौं सताब्दी सम्म आईपुग्दा पनि किन परिवर्तन हुन सकेन ? ख्रीस्टियनहरुलाई बिदेशी धर्म भन्ने हरुले आफैले उपभोग गरिएको हर चिजहरु को निरीक्षण गरेको छन कि छैनन ? किनकी आज हामिले जति पनि चिजबिजहरुको उपभोग गरिरहेका छौं ती सबै बिदेशी हुन ।

अहिले तपाईले यो मेरो लेख पढिरहनुभएको मोबाइल अथवा ल्यापटप, कम्प्युटर ईत्यादी सबै बिदेशी प्रोडक्स होइनन् र ? आफुलाई लायक पार्ने सबै चिज स्वदेशी अनि आफुलाई मन नपर्ने कुरा सबै बिदेशी ? ख्रीस्टियन लाई बिदेशी भनिरहदा तपाईले चियामा लगाएको नुन पनि बिदेशी नै हो हजुर अरुको त के कुरा । तपाइहरुको शरीर मात्र नेपाली होला तर तपाईको सोचाइ पनि बिदेशी हो । कमसेकम ख्रीस्टियनहरुले आफ्नो स्वभिमान त बेचेका छैनन ।

डलरको कुरा गरिरहदा लाज लाग्नुपर्छ हामी कोहि पनि डलर बाट अछुतो छैनौं । आज जति नेपाली बिदेशीएका छन तिनीहरु डलर कमाउन गाका हुन अब के ती सबै नेपालीहरुलाई डलरे भन्दै देश निकाला गर्ने कसैको हिम्मत छ होला ? नेपाल मा भएको जतिपनी प्रोडक्सन हरु छन तिनीहरु मा कुनै पनि तरिकाले डलरको समाबेश भएको छ । अर्को कुरा कसैले पनि ख्रीस्टियन बने बापत डलर पाका छैनन तर लाखौं करोडौं डलरले पनि किन्न असमर्थ मुक्ति तिनिहरुले मात्र पाएका छन ।

हिजोसम्म दासत्वको बन्धनले टनटन बाधिएकाहरु आज खुल्ला भएका छन । मानिस मानिस बिच भएको जातीय प्रथा येसुमा समान भएका छन । गन्तव्य बिहिन जीवन गुजारिरहेका हरुले जीवन के हो बुझेका छन ।  कुनै पनि ख्रीस्टियनलाई सोध्नुहोस जवाफ मा पाउनुहुनेछ सत्य येसुमा पाएं पाप क्षमा, उद्दार मुक्ति अनन्त जीवन र अरु थुप्रै कुराहरु जुन हामी संसारिक धन दौलत ले किन्न र प्राप्त्गर्न असमर्थ छौं ।

अबको यो सताब्दिका मानिसहरु लाटो छैनन कि अरुले जे फोर्स गर्छन त्यही मान्नलाई । तर उनिहरु बुझ्ने भैसकेको छन सत्य के हो र असत्य के हो ? आज किन यति धेरै मानिसहरू त्यो पनि धेरै पढेलेखेका बैज्ञानिक सम्मका मानिसहरूले येसुलाई बिश्वास गरिरहेका छन त ? के तिनीहरुको निम्ति येसु बाहेक अरु भगवानहरु थिएनन ? थिए तर यतिमात्र फरक थियो कि येसु बाहेक अरुले उनिहरुलाइ उद्दार मुक्ति दिन सक्दैन थे ।

अन्त्यमा मलाई एउटा फ्रान्सेली बैज्ञानिक पास्कल को भनाईलाई यहाँ उदृत गर्न मन लाग्यो । उनले भनेका थिए :- मानिसको हृदयमा एउटा खाली ठाउँ छ, त्यो खाली ठाउँ सृष्टि गरिएको कुनैपनी थोक ले हैन तर स्वेम सृष्टि कर्ता परमेस्वरको उपस्थितिले मात्र पूरा हुन्छ । त्यसकारण सोच्ने बेला यहि हो आज हामिले अंगालिरहेको आस्थाले भोलि हामिलाई मुक्ति दिन सक्ला कि सक्दैन ? हाम्रो जीवन अमुल्य छ । मान्छे जन्मिनु हुर्कनु बिहे गर्नु छोराछोरी जन्माउनु पैसा कमाउनु ऐस आराम मा जीवन जिउनु मात्र जीवन होइन । जीवन को रहस्यमय तत्व बेग्लै छ त्यो हामी एक्लैले मात्र बुझ्न असम्भव छ त्यहाँ एक जनाको आवश्यकता पर्छ जस्ले तपाईलाई सृष्टि गर्नुभएको थियो ।

उसो अब उप्रान्त अरुलाई दोस लाउने भन्दा आफ्नो दोस पत्ता लाउने तिर पो सोच्ने होकि ? सत्यताको खोजी गर्ने हो कि ? पुरानै सोच र चिन्तन मै रुमालिएर बस्ने ? यो जीवन तपाईंको हो र यसलाई कता डोर्‍याउने त्यो पनि तपाईंको अधिकार हो । येसुले भन्नुभएको छ :- बाटो, सत्य र जीवन म नै हुं म द्वारा बाहेक अरु कोहि द्वारा पनि मानिस स्वर्ग जान सक्दैन ।

युहुन्ना 14:6

#जोसन #लिम्बु