आफ्नो संस्कृति के हो ? थाहा नहुनेले अरुको आस्थाको किन वकालत गर्ने ?

मैले मेरो आस्था फेरें, मलाई ख्रीस्टियन आस्था सत्य लाग्यो, मन पर्यो अनि मलाई मंगोलहरुले नैं आफ्नो संस्कृति भुल्यौ, डलरमा बिक्यौ भने

तर आज तिनै मंगोलियन भनौदा दिदी बहिनिहरुले तिजको रौनक भन्दै रातो सारी र रातो टीका लाएर गल्ली अनि सहर रंगाउंदा अफसोस लागेर आउँछ, खै त तिमिले चैं तिम्रो मौलिकता झल्काएको ?? खै त तिम्रो पहिचान ? खै त तिम्रो संस्कृति ? त्यसैले त बाइबल मा लेखिएको छ - अरुको शरीरमा भएको मुडा देख्नलाई पहिला तिम्रो आँखाको छेस्कोलाई हटाउ !

यहाँ मलाई धर्म भन्दा आस्था महान लाग्छ ! मैले ख्रीस्टियन भएर संस्कृतिलाई कुल्चेको होइन तर तिनै दासतामा झेलिरहन बाध्य तुल्याउने बन्धन बाट उम्केको मात्रै हो । सारा मानिसहरुको धर्म कर्म गर्नुको मुख्य सार भनेको आफ्नो मृत्यु पश्चात् पुण्य कमाउनु अथवा स्वर्ग जानू भन्ने हो ! तर हामिले काठमाण्डौ बाट अमेरिका जानू छ अब प्लेन टिकट चैं जापानको काट्यौं भने अवस्य हामी जापन पुग्छौं तर अमेरिका होइन ।


यो सामान्य कुराहरुको राम्रो संग ज्ञान भएका हामी चेतनसिल मानव इस्वरिय प्राणी ले यो किन बुझ्न सकिरहेका छैनौं कि स्वर्ग जानलाई बाटो सत्य र जीवन येसु ख्रीस्ट मात्रै हुनुहुन्छ । हामी किन अरुको लहैलहैमा लागेर आफ्नै जीवन बर्बाद गर्न तिर लागिरहने ? यो पुस्ताले त कमसेकम पढ्न र लेख्न मज्जाले जानेका छौँ  । के हो त सत्य ? बाबू बाजेले गरि आएको भन्दैमा हामिले पनि त्यसैलाई नै निरंतरता दिइरहन पर्छ भन्ने पक्षमा म पटक्कै छैन ।

बैज्ञानिकहरु पनि गलत हुँदछन, हाम्रो पुर्खाहरुले पनि नबुझी हचुवाको भरमा या त कसैको दबाबमा ती कुसंस्कारलाई अंगालेको हुनुपर्छ । त्यसकारण यो समयमा पनि म मेरो दमालको साथीहरू या त मानिसहरुले एउटा कुनै चिजको आकृतिको सामु आफ्नो सिर झुक्याएर वर माग्दा मलाई कता कता आफैलाई आत्मग्लानी भएर आउँछ ! अनि सम्झन्छु हे प्रभु कहिले होला हामी मानिसहरुको दिमागको बिर्को खोलिने ?


कसरी मानिसहरूले एउटा कसैको आकृतिलाई पुज्न सुरु गरे ? कसरी धर्मको सुरुवात भयो ? कुन धर्मसास्त्रले के बताइरहेको छ ? के सबै धर्मसास्त्रले मुक्ती कसरी पाइन्छ त्यो बारे स्पस्ट बताएका छन त ? मुक्ती भनेको के हो ? के एउटा हामिलाई सृष्टि गर्ने परमेस्वर कुनै मानिसले वनाएको मुर्ती अथवा जंगल मंगलमा बास गर्नुहुन्छ होला ? यो कदापी हुन सक्दैन । सावनमा हरियो बनेर भाद्र मा रातो बाह्र महिनामा बाह्रै वटा फरकफरक संस्कृति मान्ने अनि एउटा सत्य अंगालेको ख्रीस्टियन लाई चोर औंला ठड्याउने हामी कति सम्म निच सोचाइको पराकाष्ठामा जिइरहेका छौँ ? यो आफुले आफैलाइ जाँचेर हेरौं ।


अन्त्यमा एकले अर्कालाई आरोप प्रत्यारोप गर्दै यो अमुल्य अनुग्रहको समयलाई बर्बाद गरि अनन्तको पीडामा झेलिनु भन्दा आजै एक मात्रै सत्य येसु ख्रीस्ट को बचनलाई अनुसरण गरि अनन्त जीवन मा प्रवेश गर्ने पो हो कि ? यी सबै बिचारहरु मेरो नितान्त ब्याक्तिगत बिचारहरु हुन यदि यो लेख बाट कसैलाई चोट पुगे म हृदयदेखि नै क्षमा प्रार्थी छु ।


#जोशन_लिम्बू